Бэр гуйхыг нь яаж болиулах вэ?

Би 28 настай, 2 их дээд сургууль төгссөн, хувийн байгууллагад инженер хийдэг. Ганцаараа байж байгаад, саяхнаас нэг залуутай уулздаг болсон юм. Бид хоёр бие биенээ таньдаг болоод бараг 5 жил болж бйна. Анх танилцаж ганц хоёр уулздаг байж байгаад, бараг 4 жил уулзалдалгүй байснаа саяхан оны өмнө тааралдаж, түүнээс хойш уулзаж эхэлсэн юм. Миний хувьд ганцаараа байгаад 3 жил болж байсан. Манай найз залуу 6, 7 сар болж байгаа юм байна лээ. Тэр нь ч яахав, ам алдвал барьж болдоггүй гэдэг л болоод байна даа хүүхнүүд минь. Юу гэхээр найз залуу маань намайг хамт амьдаръя гэхээр нь би “Би юу гэж гуйлгаж бариагүй байж танайд чамтай хамт амьдрах юм бэ” гээд хэлчихсэн чинь “Тэгвэл гуйгаад авчихъя л даа” гэхээр нь тоглож байгаа байлгүй гэж эхэндээ бодсон юм. Гэтэл хамаг эгч, ах нартайгаа танилцуулаад нөгөө хэд нь ч гэсэн энэ цагаан сараар гуйж авах юм болоод байна. Миний хувьд хамт амьдарч болох, чадах юм шиг санагдаж байсан ч сүүлдээ нэг л итгэлгүй болчихлоо. Уг нь анхандаа тэр гайгүй халамжтай юм шиг байсан чинь миний сэтгэлд энэ хүний хийж байгаа үйлдэл, ярьж байгаа, биеэ авч яваа нь ердөө таалагддахаа больчихлоо. Гуйж ирүүлмээргүй байдаг, гэтэл баахан хүн энэ тэрүүгээр юм бэлдээд гүйгээд байхаар нь яаж болиулахаа мэддэггүй ээ. Дээрээс нь намайг утсаар ярихаар энэ хүн “Хэн юм бэ, юу гэж байна, яах гэж байгаа юм?” гэх мэт бүх юмыг асууж шалгаах юм. Өөртэй нь утсаар ярихаар “Хаана явж байгаа юм, хэнтэй яах гэж…” гээд асуух юм. Энэ хайртай хүний шинж юм болов уу? Уг нь шинэхэн хосууд халуухан байдаг байх. Гэтэл би энэ хүнтэй гэрт нь 7 хоноход нэг ч секс хийсэнгүй, энэ ч яахав, гэхдээ өдөржингөө гадаа барилга дээр зогсож байгаад ирж байгаа хүн гэртээ орж ирэхдээ хоол хийчихсэн байгаа байлгүй гэхээр үгүй. Анх намайг ажил эрхлээгүй гэрт нь үлдээд байж байхад, гадуур явж ирээд хоол хийж өгдөг байсан гээч. Харин одоо юун өдөр битгий хэл орой ч хоол байхгүй. Энэ мэтчилэн санаанд нийцэх зүйл бараг байхгүй болчихлоо. Бэр гуйхыг нь яаж болиулах вэ? Надад зөвлөөч.